Տեսնես Նիկոլը նոյեմբերի 9-ի եռակողմ հայտարարությունը կարդացե՞լ է
Նիկոլ Փաշինյանը շարունակում է համառորեն քարոզեռլ, թե 2020թ․ նոյեմբերի 9-ի եռակողմ հայտարարությամբ ինչ է նախատեսվում կոմունիկացիաների բազմաչարչար հարցով: ՀՀ տարածքով անցնող կոմունիկացիաների անվտանգությունն ապահովելու գործառույթը վերապահված է Հայաստանի Հանրապետությանը, հերթական անգամ ասում է նա` պատասխանելով ԱԺ Ամառային դպրոցի ունկնդրի հարցին:
Հետեւելով նրա առաջարկին, եւս կմեկ անգամ բացում ենք այդ եռակողմ հայտարարությունը, ընդ որում, այն տարբերակը, որը տեղադրված է ՀՀ վարչապետի կայքում (https://www.primeminister.am/hy/press-release/item/2020/11/10/Announcement/) եւ կարդում.
«9. Ապաշրջափակվում են տարածաշրջանում բոլոր տնտեսական և տրանսպորտային կապերը: Հայաստանի Հանրապետությունը երաշխավորում է Ադրբեջանի Հանրապետության արևմտյան շրջանների և Նախիջևանի Ինքնավար Հանրապետության միջև տրանսպորտային հաղորդակցության անվտանգությունը՝ քաղաքացիների, տրանսպորտային միջոցների և բեռների՝ երկու ուղղություններով անխոչընդոտ տեղաշարժը կազմակերպելու նպատակով: Տրանսպորտային հաղորդակցության նկատմամբ վերահսկողությունն իրականացվում են Ռուսաստանի ԱԴԾ սահմանապահ ծառայության մարմինները:
Կողմերի միջև համաձայնեցմամբ՝ ապահովվելու է Նախիջևանի Ինքնավար Հանրապետությունն Ադրբեջանի արևմտյան շրջանների հետ կապող նոր տրանսպորտային հաղորդակցություննների շինարարությունը»:
Այսինքն, Հայաստանը «ԵՐԱՇԽԱՎՈՐՈՒՄ Է», թեեւ դա արդեն իսկ նշանակում է, որ այդ տարածքները պետք է գտնվեն ՀՀ ինքնիշխանության գոտում. հակառակ դեպքում ինչպե՞ս կարող ես երաշխավորել:
Իսկ ռուսները «ՎԵՐԱՀՍԿՈՂՈՒԹՅՈՒՆՆ ԻՐԱԿԱՆԱՑՆՈՒՄ ԵՆ», բայց «միայն տրամսպերտային հաղորդակցության նկատմամբ»: Այն է` գնացքը շարժվում է, եւ պետք է ապահովել, որ այն անվնաս տեղ հասնի»: Այսքանը, սա չի ենթադրում վերահսկողություն նաեւ երկաթուղու եւ այդ տարածքների նկատմամբ:
Համաձայն ենք Նիկոլի հետ, սա շատ «պարզ տեքստ է»: Միայն մեկ հարց կա` տեսնես Նիկոլն այդ տեքստը կարդացե՞լ է: Եթե ոչ, կարող է օգտվել իր իսկ վերահսկողության տակ գտնվող ՀՀ վարչապետի պաշտոնական կայքէջից:
