Պանաման դադարեցնում է դիվանագիտական հարաբերությունները Վենեսուելայի հետ
Պանաման դադարեցնում է դիվանագիտական հարաբերությունները Վենեսուելայի հետ: Այս մասին մամուլի ասուլիսի ժամանակ հայտարարել է Պանամայի նախագահ Խոսե Ռաուլ Մուլինոն, փոխանցում է La Prensa-ն։
«Պանամայի կառավարությունը հայտարարում է Վենեսուելայից դիվանագիտական անձնակազմին հետ կանչելու և Վենեսուելայի հետ դիվանագիտական հարաբերությունների դադարեցման մասին, քանի դեռ չի կատարվել Վենեսուելայի նախագահի ընտրությունների արձանագրությունների և էլեկտրոնային քվեարկության համակարգի ամբողջական աուդիտ՝ պարզելու ժողովրդի իրական կամքը», – ասել է Պանամայի ղեկավարը:
Նա հավելել է, որ Պանաման կպահանջի Ամերիկյան պետությունների կազմակերպության (OAS) մշտական խորհրդի նիստ՝ Վենեսուելայում տիրող իրավիճակը քննարկելու համար արտաքին գործերի նախարարների հետ խորհրդակցելու համար։
Հիշեցնենք, որ Վենեսուելայի Ազգային ընտրական խորհուրդն արդեն ընտրված նախագահ է հռչակել Նիկոլաս Մադուրոյին։ Ընդդիմությունը չի ճանաչում ընտրությունների արդյունքները, քանի որ չեն հրապարակվել բոլոր տեղամասերի արձանագրությունները։ Լատինական և կենտրոնական Ամերիկայի մի շարք երկրներ հայտարարել են, որ կդադարեցնեն դիվանագիտական հարաբերությունները Վենեսուելայի հետ, եթե չհրապարակվեն ընտրությունների արձանագրությունները։