Աստանայում մեկնարկել է Պուտին-Ալիև հանդիպումը
Աստանայում մեկնարկել է Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի հանդիպումը։
Բանակցությունների մեկնարկին Իլհամ Ալիևը հայտարարել է, որ գոհ է Մոսկվայի հետ ռազմավարական համագործակցության արդյունքներից։
«Մենք արդեն երկու տարուց ավելի է՝ աշխատում ենք որպես դաշնակիցներ և ցուցադրում ենք լավ արդյունքներ։ Այսօր այս մասին մանրամասն կխոսենք», – հավելել է Ալիևը։
Ալիևը նաև հայտարարել է, որ մտադիր է ռուս գործընկերների հետ քննարկել Հյուսիս-Հարավ տրանսպորտային միջանցքի հարցը, որի շուրջ երկու երկրների առաջնորդները բանակցություններ էին վարել նաև այս տարվա ապրիլին։