Rolls-Royce հիբրիդային սթելս-շարժիչը ՆԱՏՕ-ի զրահամեքենաներն ավելի քիչ նկատելի կդարձնի
Ինչպես պարզվում է, սթելս-տեխնոլոգիաները, որոնք լայնորեն կիրառվում են ժամանակակից մարտական ինքնաթիռների և նավերի ստեղծման մեջ, կարող են պահանջարկ ունենալ նաև զրահատեխնիկայի թաքնված լինելը բարձրացնելու համար։
Փարիզում Eurosatory ցուցահանդեսում բրիտանական Rolls-Royce ընկերության դուստր ձեռնարկությունը ներկայացրել է հիբրիդային դիզելային շարժիչի կոնցեպտը, որը պատրաստված է սթելս տեխնոլոգիայով։
Կոնցեպտը 199 սերիայի շարժիչի 10 մխոցանոց տարբերակն է, որն օգտագործվում է ՆԱՏՕ-ի կողմից և հանդիսանում է իր դասի ամենավաճառվող տանկային շարժիչը։ Հիբրիդային շարժիչ հզորությունը 1100 կՎտ է (1475 ձիաուժ): Մարտկոցով էլեկտրական շարժիչը սնուցելու է նաև սպառազինության առաջադեմ համակարգերը, ներառյալ մարտական լազերները:
Սթելս-տեխնոլոգիան քիչ նկատելիություն և ցածր աղմուկ կհաղորդի զրահամեքենաներին, երբ գտնվում են ապաստարանում անջատված շարժիչով, երբ տանկի համակարգերը սնվում են մարտկոցից, այլ ոչ թե պարապ շարժիչից:
Մեկ այլ առավելություն այն է, որ անհատական Rolls-Royce-ի խլացուցիչի շնորհիվ շարժիչն ավելի անաղմուկ է ցածր արագություններում, իսկ ավելի բարձր արագությունների դեպքում էլեկտրական շարժիչի ընդգրկումը դիզելային շարժիչի հետ միասին մեծացնում է արագացումը: