Նիժնի Նովգորոդում տղամարդիկ սպանել են հղի կնոջը և այրել նրա բնակարանը
Ռուսաստանի Նիժնի Նովգորոդ քաղաքում ձերբակալվել են հղի կնոջ սպանության և նրա բնակարանի հրդեհման համար կասկածվող երկու տղամարդիկ, գրում է РИА Новости-ն:
Շաբաթ Արտակարգ իրավիճակների ծառայության աշխատակիցները Նիժնի Նովգորոդի Արխանգելսկայա փողոցում գտնվող բնակարանի հրդեհը մարելուց հետո կնոջ դի են հայտնաբերել՝ բռնության հետքերով: Հարուցվել է քրեական գործ՝ Ռուսաստանի Քրեական օրենսգրքի 105-րդ հոդվածով՝ սպանություն: Հանցագործների «տաք» հետքերով Քննչական կոմիտեի և ոստիկանության աշխատակիցները հայտնաբերել և ձերբակալել են սպանության համար կասկածվող երկու տղամարդու՝ սպանվածի 19-ամյա և 27-ամյա ծանոթներին:
Քննչական մարմինների վարկածով՝ նոյեմբերի 2-ի առավոտյան ոչ սթափ վիճակում գտնվող կասկածյալները եղել են սպանվածի տանը: Կնոջ հետ վիճելով՝ տղամարդիկ նրան դանակի բազմաթիվ հարվածներ են հասցրել, ինչից հետո խլել են նրա զարդերը, հրդեհել բնակարանը և փախել: Ընդ որում՝ երկու տղամարդիկ էլ իմացել են կնոջ՝ հղի լինելու մասին:
Քննիչների կողմից քրեական գործը փոխարինվել է ավելի խիստ հոդվածով՝ սպանություն մարդկանց խմբի կողմից՝ եսասիրական դրդապատճառներով:
Նոյեմբերի 4-ին երկու տղամարդիկ կալանքի տակ են առնվել: Քրեական գործի քննությունը շարունակվում է: