Վարդգես Սամսոնյանն այսօր՝ հունիսի 24-ին, հյուրընկալել է խորվաթ երգչուհի Էվա Կիրխմայեր-Բիլիչիին, Խորվաթիայում հայտնի տենոր Ստյեպան Ֆրանետովիչին

Երգչուհին Գյումրիում է Հայկական Կարիտասի անմիջական ջանքերով: Սա երգչուհու 1-ին այցն է Գյումրի, բայց Հայաստան արդեն 4-րդ անգամ է այցելում:

Գյումրի այցի հիմքում բարեգործական համերգն է, որի ողջ հասույթը տրամադրելու է Հայկական Կարիտասի «Տնային խնամք» ծրագրի շահառուների առաջնային կարիքները հոգալու համար:

Համայնքի ղեկավարը ողջունել է երգչուհու այցը Գյումրի, ապա ներկայացրել քաղաքն իր պատմությամբ, մշակությով, հայտնի գյումրեցիներով, զբոսաշրջության և մի շարք այլ ոլորտներում ունեցած ներուժով: Վարդգես Սամսոնյանն իր խոսքում անդրադարձել է Գյումրու համայնքապետարան-Հայկական Կարիտաս մշտական համագործակցություններին, կարևորել կազմակերպության կողմից իրականացվող ծրագրերը, խոսել նաև հետագա ծրագրերի մասին:

Երգչուհին իր հերթին շնորհակալություն է հայտնել ընդունելության համար, իր խոսքում ընդգծել, որ անչափ սիրում է Հայաստան ու հայերինն, մեծ է սերը հայկական մշակույթի հանդեպ ու Հայկական Կարիտասի կողմից համագործակցության և բարեգործական համերգով հանդես գալու առաջարկին համաձայնել է մեծ պատրաստակամությամբ:

Արմենուհի Մխոյանը ևս անդրադարձել է Գյումրու համայնքապետարան-Հայկական Կարիտաս համագործակցություններին, առանձնակի շնորհակալություն հայտնել՝ համերգային այս ծրագրի իրականացման համար համայնքապետարանի կողմից ցուցաբերված աջակցությունների համար:

Համերգային ծրագրով երգչուհին հանդես է եկել Գյումրու «Կամերային դահլիճում»:

Համերգային ծրագրով երգչուհին հանդես կգա նաև Գյումրու «Սուրբ Յոթվերք» եկեղեցում` հունիսի 25-ին։