Շոտլանդիայի արդյունաբերական տարածքում պայթյուններ են հնչել

Շոտլանդիայի Գլազգո քաղաքից ոչ հեռու ուժեղ հրդեհ է տեղի ունեցել արդյունաբերական տեղամասում, որից հետո մի շարք պայթյուններ են լսվել։ Այս մասին հայտնում է բրիտանական Sun թերթը։

Հրատարակության տվյալներով՝  հրշեջ մեքենաներն ուղղվել են դեպի արդյունաբերական գոտի, որտեղ ուժեղ հրդեհի ֆոնին բազմաթիվ պայթյուններ են լսվել։

Հրշեջները շարունակում են մարել կրակը:

Զոհերի և վիրավորների մասին տեղեկություններ չկան։