Լոնդոնում ջենթլմենների ակումբները քննարկում են այնտեղ կանանց անդամակցությունը

Ներկայումս քննարկումներ են ընթանում այն ​​հարցի շուրջ, թե արդյոք կանանց թույլ կտա՞ն մուտք գործել լոնդոնյան մի քանի ջենթլմենական ակումբներ, մինչդեռ Garrick ակումբի անդամները, 193 տարի անց, քվեարկել են կանանց անդամակցության օգտին, գրում է Guardian-ը:

Ճանապարհորդների ակումբը, Սեւիլ ակումբը, Բիֆսթեք ակումբը, Boodle’s-ը, Buck’s-ը, Brooks’s-ը, East India Club-ը եւ White’s Լոնդոնում մնացած ակումբներից ընդամենը մի քանիսն են, որոնք դեռեւս չեն ընդունում կանանց անդամակցությունը իրենց շարքեր:

Ակումբների քարտուղարները, ինչպես ենթադրվում է, խորհրդակցել են իրավաբանների հետ՝ պարզելու, թե որքանով է Garrick-ի որոշումն իրենց խոցելի դարձրել:

Կանանց անդամակցությունը նաեւ քննարկվում է East India Club-ում, որը հսկայական ակումբ է՝ Լոնդոնի կենտրոնական Սենտ Ջեյմս հրապարակում:

Ակումբի սկզբնական անդամներն աշխատում էին East India Company-ում, որը հանդես էր գալիս որպես բրիտանական իմպերիալիզմի գործակալ Հնդկաստանում եւ խայտառակ կերպով լուծարվեց 1873 թվականին: Ակումբի անունը նոստալգիա է առաջացնում Բրիտանական կայսրության ամենաշահագործվող եւ հակասական ժամանակաշրջաններից մեկի նկատմամբ:

«Կանոնադրության համաձայն՝ ակումբին անդամակցելը բաց է միայն ջենթլմենների համար: Այնուամենայնիվ, ակումբը կանանց ընդունում է որպես հյուրեր»,-ասվում է նրանց կայքում։ Աղբյուրները նշում են, որ ակումբի ղեկավարությունը, կարծես, կողմ է կանոնների փոփոխությանը, որպեսզի կանանց թույլ տրվի միանալ ակումբին, սակայն այդ հարցի շուրջ չեն կարողացել ապահովել մեծամասնության ձայները: