ՆԱՏՕ-ի գլխավոր քարտուղարի դիմաց կանգնած Զելենսկիի լուսանկարը համացանցում հումորային մեկնաբանությունների տեղիք է տվել

Հոկտեմբերի 31-ին ՆԱՏՕ-ի ղեկավարությունն այցելել է Կիև և Ուկրաինայի առաջին դեմքերի հետ քննարկել  կարևոր հարցեր: Ուկրաինայի նախագահ Վլադիմիր Զելենսկիի և դաշինքի գլխավոր քարտուղար Յենս Ստոլտենբերգի համատեղ լուսանկարներից մեկը համացանցում կատակների և հումորային մեկնաբանությունների տեղիք է տվել: Այս մասին հայտնում է РИА Новости-ն:

Ուկրաինայի առաջնորդին, որը կանգնած է Ստոլտենբերգի դիմաց, օգտատերերն անվանել են աշակերտ, որը կանգնած է ուսուցչի դիմաց: Մյուսները Զելենսկիին համեմատել են մատուցողի հետ, որն սպասում է հաճախորդի պատվերին:

Հիշեցնենք, որ նիստի ժամանակ իր ելույթի ավարտից հետո դաշինքի գլխավոր քարտուղար Յենս Ստոլտենբերգը հայտարարել էր, որ մամուլի համար նիստի բաց մասն ավարտված է՝ մոռանալով, որ իր խոսքը դեռ չի ասել Ուկրաինայի նախագահ Վլադիմիր Զելենսկին: Զգալով սխալը՝ Ստոլտենբերգը շտապել էր ուղղել այն և խոսքը տրամադրել էր Ուկրաինայի նախագահին: