Գերմանիայում ձերբակալվել է իր ուղեբեռում 18 կատվաձագ տեղափոխող ուղևորը
Գերմանիայի ոստիկանությունը կասեցրել է կենդանիների ենթադրյալ անօրինական տեղափոխումը այն բանից հետո, երբ ոստիկանները ստուգման ժամանակ ավտոբուսի բեռնախցից 18 կատվաձագերի մլավոց են լսել, գրում է dpa international-ը։
Չարագործը 12 շաբաթական կատվաձագերին խցկել էր վեց տուփի մեջ, և այժմ դրանք գտնվում են կենդանիների ապաստարանում:
Կատվաձագերի 37-ամյա տիրոջը մեղադրանքներ են առաջադրվել խարդախության և կենդանիների պաշտպանության մասին Գերմանիայի օրենքը խախտելու համար։ Տղամարդը հինգշաբթի երեկոյան գերմանա-չեխական սահմանը հատելուց հետո կատվաձագերի պատվաստումների մասին կեղծ վկայականներ է ներկայացրել, հայտնել են ոստիկանությունից։
Ավտոբուսը զննելուց և ձագերին հայտնաբերելուց հետո տղամարդը ոստիկանությանը հայտնել է, որ փորձում էր կենդանիներին տեղափոխել Փարիզ՝ ծանոթացնելու համար:
Գերմանական օրենսդրությունն արգելում է հատկապես երիտասարդ կենդանիների ներմուծումը, ինչպես նաև պահանջում է ներկրված կենդանիներին պատվաստել, ասել է ոստիկանությունը: