2018 թվականին Huawei հեռահաղորդակցության կորպորացիան ռեկորդ է սահմանել պատենտների ամրագրման հայտերի քանակով ամբողջ աշխարհում, սակայն տեխնոլոգիական տեսանկյունից դրանցից շատերը զիջել են ամերիկյան մրցակիցներին։ Nikkei թերթի հաղորդման համաձայն, վիճակագրությունը այս մասին կազմել է ճապոնական Patent Result պարբերականը։ Անցյալ տարվա ընթացքում չինական տեխնոլոգիական հսկան 5405 հայտ է ներկայացրել, երկու անգամ ավելին, քան երկրորդ տեղում գտնվող Mitsubishi Electric-ը, կամ ամերիկյան Intel-ը։
Սակայն դրանց միայն 21 տոկոսը կարելի է դասել բարձր նորարարությունների շարքին, այն դեպքում երբ այս ցուցանիշը ամերիկյան ընկերության մոտ 33 տոկոս է, իսկ ասենք Qualcomm-ի մոտ՝ 44 տոկոս, ինչը նշանակում է, որ նրանց շուկայում ավելի արդյունավետ գործելու հնարավորություն ունեն եւ ավելի մրցունակ են։
