<<Ջոքեր>>-ը R վարկանիշով ֆիլմերի մեջ ճանաչվել է ամենաեկամտաբերը` գերազանցելով <<Դեդփուլ>>-ին
Ամերիկացի ռեժիսոր Թոդ Ֆիլիպսի «Ջոքեր» ֆիլմը R վարկանիշով (Ամերիկայի ֆիլմերի ասոցիացիայի վարկանիշների համակարգ) ֆիլմերի մեջ ճանաչվել է ամենաեկամտաբերը, գրում է Paste Magazine-ը։
Աղբյուրի հաղորդմամբ՝ Warner Brothers կինոընկերության արտադրության ֆիլմն այս պահին համաշխարհային վարձույթում հավաքել է արդեն 805 մլն դոլար՝ շրջանցելով Թիմ Միլլերի «Դեդփուլ» (Deadpool) ֆիլմին․ 2016 թվականին «Դեդփուլ» ֆիլմի ցուցադրությունից ստացված եկամուտները կազմել էին 783 մլն դոլար:
«Ջոքերը» դարձել է նաև պատմության մեջ առաջին ֆիլմը, որի հասույթը համաշխարհային վարձույթում գերազանցել է 800 մլն դոլարը:
Սեպտեմբերի 7-ին «Ջոքերը», որի գլխավոր դերակատարը «Օսկար» մրցանակի եռակի հավակնորդ Խոակին Ֆենիքսն է, արժանացել է Վենետիկի 76-րդ կինոփառատոնի «Սուրբ Մարկոսի ոսկե առյուծ» գլխավոր մրցանակին:
Խոակին Ֆենիքսի գլխավոր դերակատարմամբ ֆիլմը պատմում է Ջոքերի՝ Բեթմեն սուպերհերոսի գլխավոր թշնամու պատմությունը։ Ֆիլմի իրադարձությունները տեղի են ունենում 1980-ականներին: Ֆիլմում հանդես են եկել նաև «Օսկարի» կրկնակի դափնեկիր Ռոբերտ դե Նիրոն և հոլիվուդյան հայտնի դերասան Ալեք Բոլդուինը:
Ֆիմը համաշխարհային վարձույթում է հայտնվել հոկտեմբերի 4-ից։