Առնոլդ Շվարցենեգերը եւ Դենի Դե Վիտոն 2024 թվականը սկսել են «Երկվորյակների» վերամիավորումով
Առնոլդ Շվարցենեգերը եւ Դենի Դե Վիտոն 2024 թվականը մեկնարկել են «Երկվորյակների» վերամիավորմամբ։
«Տերմինատորը» կիսվել է Դե Վիտոյի եւ նրա դստեր՝ Լյուսի ԴեՎիտոյի հետ համատեղ լուսանկարով, որն արվել է Բրոդվեյի պիեսի բեմադրության ժամանակ:
«Հիանալի էր տեսնել Դենիին Բրոդվեյի «Ինձ դա անհրաժեշտ է» պիեսում,-լուսանկարը մակագրել է Շվարցենեգերը,-«Նա, Լյուսին եւ բոլոր մասնակիցները զվարճացնում էին հանդիսատեսին, ծիծաղում եւ վայելում ամեն րոպեն․ իմ տեսած լավագույն պիեսներից մեկն էր՝ հոգով վայելելու աշխատանք»:
Շվարցենեգերը եւ Դե Վիտոն միասին նկարահանվել են 1988 թվականին էկրաններ բարձրացած «Երկվորյակներ» ֆիլմում, որտեղ մարմնավորել են երկվորյակ եղբայրների, ովքեր միայն հասուն տարիքում են հանդիպում: Դա Շվարցենեգերի առաջին փորձն էր կատակերգական դերում։ Ֆիլմը մեծ հաջողություն գրանցեց:
«Անհամբերությամբ սպասում եմ կրկին միասին աշխատելուն», – ավելացրել է Կալիֆոռնիայի նախկին նահանգապետը:
Հայտնի աստղերը նկարահանվել են «Երկվորյակների» երկար սպասված շարունակության մեջ, որը կոչվում է «Եռյակ», որտեղ եղբայրները կբացահայտեն, որ իրենք իրականում եռյակ են: Տեղեկություններ կան, որ Էդդի Մերֆին կմիանա սիքվելի դերասանական կազմին: Այնուամենայնիվ, նախագիծը հետաձգվեց այն բանից հետո, երբ սկզբնական ֆիլմի ռեժիսոր Իվան Ռեյթմանը մահացավ 2022 թվականի փետրվարին՝ 75 տարեկանում։ Այնուհետեւ Իվանի որդին՝ հոլիվուդյան ռեժիսոր Ջեյսոն Ռեյթմանը, ի վերջո, որոշեց նկարահանել ֆիլմը, բայց, ըստ Շվարցենեգերի, հենց ինքն է նրան «կարմիր լույս» տվել։
Շվարցենեգերը նշել է նաեւ, որ այժմ «Դենիի հետ մեկ այլ ֆիլմի վրա է աշխատում» եւ հավելել. «Նրա հետ համագործակցելը հաճելի է, նրա տաղանդը ուշագրավ է»։