2200-ամյա եգիպտական սկահակում գաճաճ աստված պատկերող հալյուցինոգեն ծեսի վկայություն է հայտնաբերվել
Գիտնականները հալյուցինոգեն ծեսի վկայություն են հայտնաբերել, որըն, ըստ ամենայնի, հին եգիպտացիներին օգնել է երկնային աստվածուհուն մոլորեցնել փորձող գաճաճ աստվածի մասին առասպելական պատմություն վերարտադրել:
Scientific Reports հանդեսում հրապարակված հոդվածում հետազոտողների խումբը հայտնում է, որ հայտնաբերել են դեղանյութի մնացորդներ, որը կարող են հալյուցինացիաներ առաջացնել այն ընդունողների մեջ:
Մնացորդները հայտնաբերվել են 2200 տարվա վաղեմության սկահակի մեջ, որին պատկերված է Բեսը՝ հին եգիպտական ծննդաբերության, զվարճանքի և երաժշտության գաճաճ աստվածը:
Գիտնականների թիմը քիմիական վերլուծություն է արել սկահակի ներսում օրգանական մնացորդներն ու հայտնաբերել վայրի փեգենայի (Peganum harmala), եգիպտական լոտոսի (Nymphaea nouchali var. caerulea) և Cleome ընտանիքի բույսի հետքեր, որոնք ավանդաբար «հոգեմետ և բուժիչ հատկություններ» են վերագրում,-գրել է գիտնականների թիմն իր հոդվածում:
Նրանք միաժամանակ քնջութի սերմերի, սոճու ընկույզների, մատուտակի և խաղողի հետքեր են հայտնաբերել՝ մի համադրություն, որը «սովորաբար օգտագործվում էր ըմպելիքին արյան տեսք հաղորդելու համար»,-գրում են գիտնականները:
Հետազոտողները նաև հայտնաբերել են մարդու մարմնի կենսահեղուկների հետքեր, մասնավորապես՝ թուք և արյուն, ինչը հուշում է, որ մարդիկ խմում են այդ ըմպելիքը: Մարդկային հեղուկը, հնարավոր է, ավելացվել է կոկտեյլի մեջ որպես բաղադրիչ, ասված է հոդվածում։