Նավթը վերականգնում է գինը

Էտալոնային նմուշի նավթի գինը չորեքշաբթի առավոտյան, նախօրեի անկումից հետո, վերականգնվում է, թրեյդերները գնահատում են պահանջարկի հեռանկարները եւ սպասում տվյալների ԱՄՆ պաշարների մասին։

Brent նավթի օգոստոսյան ֆյուչերսների արժեքը Լոնդոնի ICE Futures բորսայում կազմում է մեկ բարելը 85,41 դոլար, ինչը 0,4 դոլարով (0,47 տոկոս) ավելի բարձր է, քան նախորդ աճուրդների փակման ժամանակ։ Երեքշաբթի այդ պայմանագրերը իջել էին 1 դոլարով (1,2 տոկոս)՝ հասնելով նվազագույնին հունիսի 17-ից ի վեր՝ մեկ բարելը 85,01 դոլար՝ մեկ օր առաջվա մոտ երկամսյա առավելագույնին հասնելուց հետո։

WTI նավթի օգոստոսյան ֆյուչերսները Նյու Յորքի (NYMEX) ապրանքային բորսայի էլեկտրոնային աճուրդներում թանկացել են 0,46 դոլարով (0,57 տոկոս)՝ մեկ բարելը 81,29 դոլար։ Նախօրեին պայմանագիրն էժանացել էր 0,8 դոլարով (1 տոկոս)՝ մեկ բարելը 80,83 դոլար։