Մակրոնի արևային ակնոցը մեծ շահույթ է բերել ակնոցն արտադրող ընկերությանը
Ֆրանսիայի նախագահ Էմանուել Մակրոնի արևային ակնոցի շնորհիվ բարձրացել է ակնոցն արտադրող ընկերության բաժնետոմսերի արժեքը․ գրում է Reuters գործակալությունը։
iVision Tech ընկերության բաժնետոմսերի արժեքը հինգշաբթի գրեթե 28%-ով բարձրացել է այն բանից հետո, երբ Մակրոնի ելույթն արևային ակնոցով Դավոսի ամենամյա համաշխարհային տնտեսական ֆորումում վիրուսային տարածում գտավ համացանցում։
«Դա անշուշտ ցնցող ազդեցություն ունեցավ բաժնետոմսերի վրա», – Reuters-ին ասել է ընկերության գործադիր տնօրեն Ստեֆանո Ֆուլչիրը։
Բաժնետոմսերի աճն իտալական ընկերության շուկայական կապիտալիզացիային ավելացրել է մոտ 3.5 միլիոն եվրո։
Հիշեցնենք, որ ըստ Մակրոնի գրասենյակի հայտարարության՝ Ֆրանսիայի նախագահն արևային ակնոցով է ելույթ ունեցել աչքի արյունատար անոթի պայթելու պատճառով։