ՀՀ վարչապետ Նիկոլ Փաշինյանը Հռոմում հեծանիվ է վարել: Այս մասին հայտնել է վարչապետը՝ Ֆեյսբուքի իր էջում տեսանյութ հրապարակելով:
«Հեծանվային հերթական լուսաբացը Հռոմում է: Բարի առավոտ և լավ օր եմ մաղթում բոլորիդ»,- ասել է վարչապետը:
Ավելի վաղ հայտնել էինք, որ Նիկոլ Փաշինյանը հոկտեմբերի 18-20-ն աշխատանքային այցով կգտնվի Սուրբ Աթոռում:
Հոկտեմբերի 19-ին վարչապետը Սուրբ Պետրոսի հրապարակում ներկա կգտնվի արքեպիսկոպոս Իգնատիոս Մալոյանի և ևս 6 այլ Երանելիների սրբադասման արարողությանը, որը տեղի կունենա Լևոն XIV-րդ Պապի հանդիսապետությամբ:
Այցի շրջանակում նախատեսված է ՀՀ վարչապետ Նիկոլ Փաշինյանի և Նորին Սրբություն Հռոմի Պապ Լևոն XIV-ի առանձնազրույցը:
Տեղի կունենա նաև ՀՀ վարչապետի հանդիպումը Սուրբ Աթոռի պետքարտուղար Պիետրո Պառոլինի հետ:
