Լավագույն սմուզիները սակավարյունությունից ազատվելու համար
Անեմիան կամ սակավարյունությունը խնդիր է, որը պայմանավորված է արյան մեջ էրիթրոցիտների և հեմոգլոբինի նվազմամբ: Դրա առաջացմանը նպաստող հիմնական գործոններն են տարբեր հիվանդությունները, արյան կորուստն ու սննդակարգում երկաթ պարունակող մթերքի պակասը:
Ձեր ուշադրությանն ենք ներկայացնում մի քանի թարմ, համեղ ու օգտակար ըմպելիք, որոնք կօգնեն ազատվել սակավարյունությունից:
Բողկով ու ճակնդեղով ըմպելիք
Այս ըմպելիքը պարունակում է հսկայական քանակությամբ երկաթ ու մի շարք այլ հանքանյութեր ու վիտամիններ:
Անհրաժեշտ բաղադրիչներն են.
- 2-3 հատ փոքրիկ ամսաբողկ կամ ոչ մեծ կտոր բողկ,
- մի բուռ սպանախ,
- հազարի 2 թերթիկ,
- ½ թեյի գդալ գարեջրի խմորիչ,
- 1 բաժակ ջուր,
- 1 ճաշի գդալ կտրատած թարմ ճակնդեղ:
Գարեջրի խմորիչից բացի, բոլոր բաղադրիչները լցնել կոտորակիչի լավ խառնել մինչև ստացվի համասեռ զանգված, այնուհետև ավելացնել գարեջրի խմորիչն ըմպելիքը երկաթով էլ ավելի հարստացնելու համար: Այս ըմպելիքը հարկավոր է ընդունել թարմ վիճակում փոքր չափաբաժիններով:
Ճակնդեղով ու գազարով ըմպելիք
Ճակնդեղը հարուստ է երկաթով ու հակաօքսիդանտներով, իսկ գազարն օգնում է ավելի լավ յուրացնել դրանք:
Անհրաժեշտ բաղադրիչներն են.
- 1 հատ գազար,
- 1 ճաշի գդալ կտրատած թարմ ճակնդեղ,
- 250 մլ ջուր,
- 1 թեյի գդալ գարեջրի խմորիչ:
Գարեջրի խմորիչից բացի, բոլոր բաղադրիչները լցնել կոտորակիչի լավ խառնել մինչև ստացվի համասեռ զանգված, այնուհետև ավելացնել գարեջրի խմորիչը և խմել ամեն առավոտ:
Մաղադանոսով սմուզի
Այս սմուզին ունի շատ սուր յուրահատուկ համ, սակայն այն անչափ օգտակար է: Ըմպելիքն ավելի լավ յուրացնելու համար այն կարելի է համադրել կիտրոնի հյութի հետ:
Անհրաժեշտ բաղադրիչներն են.
- 250 մլ ջուր,
- 1 ճաշի գդալ կիտրոնի հյութ,
- մաղադանոսի ոչ մեծ կապ:
Բոլոր բաղադրիչները կոտորակիչով լավ խառնել մինչև ստացվի համասեռ զանգված և խմել ուտելուց առաջ:
Սպանախով, նեխուրով ու գազարով սմուզի
Այս ըմպելիքը պարունակում է վիտամիններ ու հանքանյութեր, որոնք էներգիա են հաղորդում և օգնում են ազատվել անեմիայի ախտանշաններից:
Անհրաժեշտ բաղադրիչներն են.
- նեխուրի փոքրիկ կապ կամ ցողունը,
- 1 հատ գազար
- մի բուռ սպանախ,
- 200 մլ ջուր:
Բոլոր բաղադրիչները կոտորակիչով լավ խառնել մինչև ստացվի համասեռ զանգված և խմել դատարկ ստամոքսին: