ԵՄ-ն պատրաստ է քննարկել չինական արտահանման մաքսատուրքերը. Գերմանիայի էկոնոմիկայի նախարար
Գերմանիայի էկոնոմիկայի նախարար Ռոբերտ Հաբեկը շաբաթ օրը Չինաստան կատարած այցի ժամանակ հայտարարել է, որ Եվրամիության դռները բաց են չինական արտահանման վերաբերյալ ԵՄ մաքսատուրքերը քննարկելու համար, հայտնել է Reuters-ը։
Հաբեկի այցը եվրոպացի բարձրաստիճան պաշտոնյայի առաջին այցն է այն պահից ի վեր, ինչ Բրյուսելը չինական արտադրության էլեկտրական մեքենաների ներմուծման համար բարձր մաքսատուրքեր առաջարկեց։
Հաբեկը Շանհայում հայտարարել է, որ ԵՄ-ի և Չինաստանի միջև մաքսատուրքերի շուրջ երկխոսության համար մինչև նոյեմբեր ժամանակ կա, և որ ինքը հավատում է բաց շուկաներին, սակայն շուկաները հավասար պայմաններ են պահանջում: