Դաղստանում ուժեղ անձրևների հետևանքով ջրհեղեղներ են սկսվել

Դաղստանում ուժեղ անձրևներից հետո ջրհեղեղներ են սկսվել, հաղորդում է Արտակարգ իրավիճակների նախարարությունը: Մախաչկալա, Դերբենտ, Իզբերբաշ, Խասավյուրտ, Դաղստանսկիե Օգնի քաղաքներում և վեց շրջաններում ստացվել է ջրհեղեղի մասին ավելի քան 300 հաղորդագրություն:

ՌԻԱ Դաղստանը հաղորդում է, որ 132 բնակավայր, որտեղ ապրում է ավելի քան 70,000 մարդ, մնացել է առանց էլեկտրաէներգիայի: Առավել ծանր իրավիճակ է Չարոդինսկի և Տաբասարանսկի շրջաններում: