Արմեն Մուրադյանը ՔՊ-ականներին հրավիրել է ԵՊԲՀ
![Արմեն Մուրադյանը ՔՊ-ականներին հրավիրել է ԵՊԲՀ](https://newspress.am/timthumb.php?src=disc/28-06-24/2d58a4efc8f45ca2a577d129e234dc47.jpg&w=780)
ԵՊԲՀ ռեկտոր Արմեն Մուրադյանի հրավերով՝ գործընկերներիս՝ ԱԺ պատգամավորներ Հասմիկ Հակոբյանի և Հակոբ Ասլանյանի հետ այցելել ենք Երևանի Մ. Հերացու անվան պետական բժշկական համալսարանում բացված «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոն։ Այդ մասին Ֆեյսբուքի իր էջում գրել է ԱԺ փոխխոսնակ Հակոբ Արշակյանը:
«Շրջայց ենք կատարել կենտրոնով, ծանոթացել ենթակառուցվածքին, ստեղծված հնարավորություններին և գործունեության ուղղություններին:
«ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնում իրականացվում են մարդու ուղեղի քրոնիկ հիվանդությունների կանխարգելմանը և ուղեղի առողջ կենսագործունեության ապահովմանը միտված հետազոտություններ:
Կենտրոնը հնարավորություն է ընձեռում ուսանողներին ևս ներգրավվել գիտահետազոտական աշխատանքներում։
Երևանի Մ. Հերացու անվան պետական բժշկական համալսարանում միջազգային չափանիշներին համապատասխան հիմնարար հետազոտությունների գիտակրթական կենտրոն է ստեղծված, որը կարող է դառնալ հիմնարար գիտության զարգացման գերազանցության հարթակ և մրցունակ՝ եվրոպական նմանատիպ լավագույն լաբորատորիաների հետ։
Մեր պետության առաջնահերթություններից մեկը կրթության և գիտության զարգացումն է, որը կարևոր է երկրի մրցունակությունը բարձրացնելու, և տնտեսական կայունությունն ապահովելու համար»,- գրել է նա։
![](https://newspress.am/disc/28-06-24/763a598e302a63c6629f41557ab2a54f.jpg)
![](https://newspress.am/disc/28-06-24/95fb3489634a17dfc9d9e4b28fe792bc.jpg)
![](https://newspress.am/disc/28-06-24/76c517291641a7f99c653f865715096d.jpg)