Սարիկ Մինասյանի՞, թե՞ ՔՊ-ի հեղինակության հաշվին են ուզում հաղթել Գյումրիում

Տարածքային կառավարման և ենթակառուցվածքների նախարար Դավիթ Խուդաթյանին այսօր հարցրինք, թե ինչպե՞ս է գնահատում Գյումրու ընտրություններին իրենց թեկնածուի շանսերը, հատկապես, որ արդեն մամուլում գրվում է, որ շանսերը քիչ են։

«Մեր թեկնածուն հաղթող թեկնածու է, և մեր թիմը տրամադրված է Գյումրիում հաղթանակի համար»,- MediaHub-ի հետ զրույցում ասաց Խուդաթյանը։

-Այն, որ գրել եք՝ «Մեր Սարիկը», ի՞նչ նկատի ունեք, որ ՔՊ-ի Սարի՞կն է։ 

-Գյումրեցիների Սարիկն է։

-Իսկ այլ ուժեղ մրցակիցներ չե՞ք տեսնում։ 

-Մենք մրցակիցների ուժեղությունը կամ թուլությունը չենք ուզի գնահատել, բայց մեր թեկնածուն ուժեղ թեկնածու է, հաղթող թեկնածու է, և մենք տրամադրված ենք հաղթանակի։

-Իսկ ինչի՞ հաշվին է ուժեղ թեկնածու, ՔՊ-ի ռեսուրսի՞ հաշվին, թե՞ իր անձնական որակների։ 

-«Քաղաքացիական պայմանագիր» կուսակցության հեղինակության և իր անձնական որակների։

-Բայց ասում են՝ ՔՊ-ն Գյումրիում հեղինակություն չունի, վարկանիշն իջել է։ 

-Ընտրությունները կլինեն, կտեսնենք։

Մանրամասն՝ տեսանյութում