Սանկտ Պետերբուրգում զույգը ձերբակալվել է զոհին մասնատելու կասկածանքով
Կարելիայում ձերբակալել են ընտանեկան զույգի՝ Սանկտ Պետերբուրգում զոհին մասնատելու կասկածանքով։ Այս մասին տելեգրամյան ալիքում հայտնել է Ռուսաստանի ՆԳՆ պաշտոնական ներկայացուցիչ Իրինա Վոլկը, գրում է EADaily-ն։
Նախնական տվյալներով ՝ սպանությունը տեղի է ունեցել փետրվարի 26-ին Լենինգրադի մարզի Մուրինո քաղաքի վարձակալված բնակարանում:
«Ամուսնական զույգը հաշվեհարդար է տեսել իր ծանոթից։ Հանցագործությունը թաքցնելու համար նրա մարմինը մասնատել են, տեղավորել երկու ճամպրուկի մեջ եւ թողել Նեւայի ափին», – ասված է հաղորդագրության մեջ։
Ոստիկանները ձերբակալել են զույգին։ Նրանք մոտ ժամանակներս տեղափոխվելու են Սանկտ Պետերբուրգ գործի հետագա քննության համար:
Վոլկի խոսքով՝ մարտի 1-ին մարդու մարմնի մասերով երկու ճամպրուկ պատահաբար գտել է Սանկտ Պետերբուրգի մի բնակիչ։