Պուտինը և Լուկաշենկոն կհանդիպեն հաջորդ շաբաթ
Ռուսաստանի նախագահ Վլադիմիր Պուտինը հաջորդ շաբաթ Մոսկվայում կհանդիպի իր բելառուս գործընկեր Ալեքսանդր Լուկաշենկոյի հետ, ասվել է «Մոսկվա։ Կրեմլ։ Պուտին» հաղորդման ժամանակ, որը հեռարձակվում է «Россия 1» հեռուստաալիքով ամեն կիրակի, տեղեկացնում է РИА Новости-ն։
Հաղորդման մի հատված, որը նվիրված է նախագահի առաջիկա շաբաթվա գրաֆիկին, իր Telegram ալիքում հրապարակել է լրագրող Պավել Զարուբինը։
«Պուտինն ու Լուկաշենկոն այս շաբաթ նոր հանդիպում կունենան», – ասվում է հաղորդման մեջ։
Բացի այդ, առաջիկա շաբաթվա ընթացքում նախագահը մասնակցելու է Հաղթանակի օրվան նվիրված ռուսաստանյան «Գիտելիք» ընկերության կրթական մարաթոնին։