Որքա՞ն գումար է վաստակել <<Ալաշկերտը>> Կոնֆերենցիայի լիգային մասնակցելու համար

Հայաստանի ֆուտբոլի չեմպիոն Երևանի «Ալաշկերտը» ՈՒԵՖԱ-ի Կոնֆերենցիայի լիգայի խմբային փուլին մասնակցելու համար կստանա մոտ 3,2 մլն եվրո պարգևավճար։

Ինչպես տեղեկացնում են ռուսական լրատվամիջոցները, Եվրոպական ֆուտբոլում իր նշանակությամբ երրորդ լիգային միայն մասնակցելու համար ակումբները կստանան 2,94-ական մլն եվրո։ Դրան ավելանում է նաև 44․500 եվրո՝ ակումբային վարկանիշի համար։

«Ալաշկերտը» նաև վաստակել է 166 հազար եվրո՝ Թել Ավիվի «Մաքաբիի» հետ ոչ-ոքի խաղալու համար։ Իսկ ահա մնացած հինգ հանդիպումներում պարտություն կրելու համար Հայաստանի չեմպիոնը գումար չի ստանալու։

Եթե հաշվենք մեր ակումբի կրած կորուստները, ապա այն կազմում է 3,134 մլն եվրո (հինգ խաղերում և «Մաքաբիին» հաղթելու դեպքում՝ 2,834 մլն եվրո, փլեյ-օֆֆ մտնելու համար՝ ևս 300 հազար)։

Ինչևէ, «Ալաշկերտը» դարձավ Հայաստանի առաջին ակումբը, որը մասնակցեց ՈՒԵՖԱ-ի երեք լիգաներից մեկի խմբային փուլին։