Յոգուրտով և ընկույզով նախաճաշը բարելավում է ուղեղի աշխատանքը.
Ռեդինգի համալսարանի գիտնականները պարզել են, որ նախաճաշին 50 գրամ ընկույզ մյուսլիով և յոգուրտով ուտելն օգնում է արագացնել արձագանքման ժամանակը և բարելավել հիշողությունը ողջ օրվա ընթացքում: Հետազոտության արդյունքները հրապարակվել են Food & Function ամսագրում։
Հետազոտությանը մասնակցել են 18-ից 30 տարեկան 32 առողջ երիտասարդներ: Փորձի տարբեր օրերին նրանք նախաճաշին մածունով և հացահատիկի փաթիլներով ընկույզ են օգտագործել, ինչպես նաև սննդի այլ տարբերակներ։ Յուրաքանչյուր առաջին կերակուրից վեց ժամ հետո փորձարկվողներն անցել են ուղեղի սկանավորում և ճանաչողական թեստեր:
Արդյունքները ցույց են տվել, որ ընկույզով նախաճաշելն ավելի դրական ազդեցություն է ունեցել ուղեղի արագության և հիշողության վրա, քան առանց ընկույզի նախաճաշելը։ Մասնակիցների արյան թեստերը ցույց են տվել դրական փոփոխություններ գլյուկոզայի և ճարպաթթուների մակարդակներում, որոնք երկուսն էլ կարող են ազդել ուղեղի աշխատանքի վրա:
Ըստ հետազոտողների, ընկույզը պարունակում է օմեգա-3, ալֆա-լինոլենային ճարպաթթուներ, սպիտակուցներ և բուսական միացություններ՝ պոլիֆենոլներ: Այս բոլոր նյութերը կարող են բարելավել ճանաչողական ունակությունները: Սակայն, այս բաղադրիչների գործողության մեխանիզմները ավելի ճշգրիտ հասկանալու համար անհրաժեշտ է լրացուցիչ հետազոտություն: