Հսկայական պիթոնը կուլ է տվել մի ամբողջ եղջերու
Հնդկաստանի Մահարաշտրա նահանգում տեսախցիկը ֆիքսել է, թե ինչպես հսկայական պիթոնը դուրս նետվելով ջրից, հարձակվել է եղջերուի վրա ու սատկացնելով՝ աստիճանաբար կուլ տվել նրան։ Այս մասին հայտնում է NDTV-ն։ Եղջերուները եղել են չորսը։ Նրանք ջրի ափ են եկել ու չեն նկատել հսկայական օձին, որը թաքնվել է ջրի տակ։ Երբ նրանից մեկը եղել է հասանելիության սահմաններում, օձը անակնկալ կերպով դուրս է եկել ջրից, հարձակվել եղջերուի վրա, սատկացրել ու սկսել աստիճանաբար կուլ տալ կենդանուն։