«Հայ կինը՝ ընտանիքի և արժեքների պահապանը».Սիմոն Բաբայան
Սիրելի՛ կանայք,
Սրտանց շնորհավորում եմ Ձեզ Կանանց տոնի կապակցությամբ:
Հայ կինը մշտապես եղել և մնում է ընտանիքի ամրության, հասարակության բարոյական հիմքերի և ազգային արժեքների պահպանության կրողը։
Պետք է արձանագրել, որ այսօր կանայք ակտիվ և կարևոր դերակատարում ունեն նաև իրավական ոլորտում։ Փաստաբանական համայնքի շուրջ 44%-ը կանայք են, ովքեր իրենց գիտելիքներով և բարձր պրոֆեսիոնալիզմով կարևոր ներդրում են ունենում Հայաստանի Հանրապետությունում փաստաբանական ինստիտուտի, մարդու իրավունքների պաշտպանության և իրավական մշակույթի զարգացման գործում:
Գարնանային այս գեղեցիկ տոնի խորհուրդն իր մեջ ամփոփում է նաև այն կարևոր հանգամանքը, որ մեր մայրերը, քույրերը, դուստրերը և կանայք մշտապես պետք է գտնվեն մեր ուշադրության և հոգածության կենտրոնում՝ պարուրված սիրով և ջերմությամբ:
Վերոգրյալի անհրաժեշտությունն ամեն օր ավելի է մեծանում՝ հաշվի առնելով աշխարհում տեղի ունեցող իրողություններն ու անկանխատեսելի զարգացումները:
Ցավոք, ի հեճուկս միջազգային ակտերով երաշխավորված կանանց և երեխաների պաշտպանությանը, հանցագործությունները, պատերազմներն ու աղետները հաճախ ամենածանր հարվածը հասցնում են հենց կանանց և երեխաներին՝ օրվա խորհրդով պայմանավորված կառանձնացնեմ աղջիկ երեխաներին, ինչի ականատեսը եղանք տարածաշրջանում տեղի ունեցող ողբերգական իրադարձությունների ընթացքում։
Սիրելի՛ կանայք,
Այս օրը մեզ համար առիթ է արտահայտելու մեր երախտագիտությունը ձեզ և մաղթելու անսպառ երջանկություն տարվա բոլոր օրերին:
Բարին ընդ ձեզ: