Ինչ է սպառնում Ուկրաինային հանքանյութերի համաձայնագիրը չկնքելու դեպքում․ Reuters
Միացյալ Նահանգները դիտարկում է երկրի անջատումը Starlink արբանյակային կապի համակարգից՝ որպես Ուկրաինայի վրա ճնշում գործադրելու միջոցներից մեկը՝ նրա հետ հազվագյուտ հանքանյութերի վերաբերյալ համաձայնագիր կնքելու համար։ Այս մասին հայտնում է Reuters-ը՝ հղում անելով աղբյուրներին։
Նրա խոսքով, հանքանյութերի վերաբերյալ համաձայնագրի կնքման հետ կապված Ուկրաինային այդ համակարգին հետագա մուտքի հնարավորություն տալու հարցը Վաշինգտոնն արդեն բարձրացրել է Կիևի հետ բանակցություններում այն բանից հետո, երբ Վլադիմիր Զելենսկին մերժել է ԱՄՆ ֆինանսների նախարար Սքոթ Բեսենտի նախնական առաջարկը։
Ինչպես նշում է Reuters-ը, ուկրաինական կողմին ասվել է, որ երկիրը «անհապաղ կանջատվի» Starlink-ից, եթե Զելենսկին կրկին հրաժարվի հանքային գործարքից։
«Starlink-ի կորուստը մեծ հարված կլինի Ուկրաինայի համար: Այդ ամենն աշխատում է այս համակարգի վրա»,- գործակալությանը հայտնել է աղբյուրներից մեկը:
Reuters-ը պարզաբանում է, որ Starlink-ն ակտիվորեն օգտագործվում է Ուկրաինայի Զինված ուժերի կողմից՝ հաղորդակցությունը պահպանելու համար։