Ինչ եղանակ է կանխատեսվում դեկտեմբերին

Հիդրոօդերևութաբանության և մոնիթորինգի կենտրոնը ներկայացնում է դեկտեմբեր ամսվա եղանակային կանխատեսումը․

Դեկտեմբերին միջին ամսական ջերմաստիճանը հանրապետության ողջ տարածքում կանխատեսվում է նորմայից բարձր 1-2 աստիճանով, տեղումների քանակը` նորմային մոտ։

Երևանում օդի միջին ամսական ջերմաստիճանը կանխատեսվում է +1…+2°C:

Արարատի, Արմավիրի մարզերում, Արագածոտնի և Կոտայքի նախալեռնային շրջաններում օդի միջին ամսական ջերմաստիճանը կանխատեսվում է 0…+1°C:

Շիրակի և Գեղարքունիքի մարզերում, Արագածոտնի և Կոտայքի լեռնային շրջաններում՝ -4…-6°C:

Լոռու մարզում՝ 0…-2°C, Տավուշի մարզում՝ +1…+3°C:

Վայոց Ձորի նախալեռնային շրջաններում օդի միջին տարեկան ջերմաստիճանը կանխատեսվում է 0…+1°C, լեռնային շրջաններում` -4…-6°C:

Սյունիքի հովտային շրջաններում +2…+5°C, նախալեռնային շրջաններում` -1…-3°C:

Արցախում կանխատեսվում է +2…+6°C