Թրամփի վարչակազմը կչեղարկի հարյուր հազարավոր միգրանտների իրավական կարգավիճակը
Թրամփի վարչակազմը չեղյալ կհայտարարի հարյուր հազարավոր լատինաամերիկացի եւ հայիթցի միգրանտների իրավական կարգավիճակը, որոնք ԱՄՆ են ժամանել նրա նախորդ Ջո Բայդենի օրոք հովանավորչական գործընթացի շրջանակում, հայտնել է CBS News-ը։
Վաշինգտոնը կոչ է արել այս միգրանտներին ինքնաարտաքսվել։ Հակառակ դեպքում, նրանց կարող են կալանավորել եւ արտաքսվել վտարման գործակալները:
Ծանուցման համաձայն, որը հրապարակվել է դաշնային կառավարության կողմից, աշխատանքի թույլտվությունը եւ արտաքսումից պաշտպանությունը ներգաղթի ծրագրի շրջանակում, որը հայտնի է որպես պայմանական վաղաժամկետ ազատում, ուժի մեջ կմտնի ապրիլի վերջին՝ մարտի 25-ից 30 օր հետո:
Դա կառնչվի Կուբայից, Հայիթիից, Նիկարագուայից եւ Վենեսուելայից ներգաղթյալների վրա, որոնք ԱՄՆ են ժամանել Բայդենի վարչակազմի ծրագրով, որը հայտնի է որպես CHNV, որը նպատակ ուներ նվազեցնել անօրինական ներգաղթը ԱՄՆ-Մեքսիկա սահմանին՝ ապագա միգրանտներին տրամադրելով գաղթի օրինական ուղիներ:
Ընդհանուր առմամբ 532 000 միգրանտ մուտք է գործել ԱՄՆ՝ համաձայն այն քաղաքականության, որը կասեցվել էր Թրամփի կողմից պաշտոնը ստանձնելուց անմիջապես հետո։ Սակայն հայտնի չէ, թե նրանցից քանիսն են կարողացել այլ կարգավիճակ ստանալ, որը թույլ կտար նրանց օրինական կերպով մնալ երկրում։
Փետրվարի սկզբին CBS News հեռուստաալիքն առաջին անգամ հայտնել էր, որ Թրամփի վարչակազմը նախատեսում է չեղյալ համարել այն անձանց իրավական կարգավիճակը, որոնք մուտք են գործել ԱՄՆ CHNV ընթացակարգով։