ԶԱՆԳՎԱԾԱՅԻՆ ԹՈՒՆԱՎՈՐՈՒՄ ԹՈՒՐՔԻԱՅՈՒՄ
Զանգվածային թունավորում է տեղի ունեցել Թուրքիայի Սըվազ քաղաքում։ Այս մասին հայտնում է Anadolu լրատվական գործակալությունը։ Թունավորվել են ուսանողական հանրակացարանում սովորող Սըվազի Պետական համալսարանի թվով 53 ուսանող։ Նրանք հոսպիտալացվել են։
Ուսանողների մոտ ինքնազգացողության վատացում է եղել որոշակի կերակուր ուտելուց հետո։ Դեպքի վայր են ժամանել բժիշկներ։ Բոլոր տուժած ուսանողներն անցնում են համապատասխան բուժում։ Օգտագործված սննդամթերքներից վերցրել են փորձանմուշներ՝ փորձաքննություն անցկացնելու համար։