Եթե Իշխանասարի մասին մի բան իմանաք, ինչ օգուտ է ձեզ տալու․ ՊՆ տեղակալը՝ լրագրողներին
Մոսկվայից պարբերաբար կարող են տարբեր խմբեր գալ իրենց խնդիրները քննարկելու, մի մոռացեք, որ այստեղ ունենք ռազմաբազա, բայց սահմանազատման ու սահմանագծման համար Մոսկվայից խումբ չի ժամանել»,- ԱԺ ճեպազրույցների սրահում հայտնեց պաշտպանության փոխնախարար Արման Սարգսյանը։
Հայաստան-Ադրբեջան սահմանին իրավիճակի պարբերաբար լարումը փոխնախարարը բացատրեց նրանով, որ չճշտված բազմաթիվ հարցեր կան և հակառակորդն անընդհատ փորձելու է օգտվել այդ իրավիճակից:
Նրա խոսքով՝ խուճապային տրամադրությունները չեն նպաստում սահմանի անվտանգության ապահովմանը։
Հարցին՝ Ալեն Սիմոնյանը ճշտե՞լ էր ՊՆ-ից, երբ գերիների վերաբերյալ աղմկահարույց տեսակետ էր հայտնում ՝ Արման Սարգսյանը պատասխանեց, որ Ալեն Սիմոնյանն արդեն պարզաբանել է ու հրապարակել տեսանյութի չմոնտաժված տարբերակը. «Ալեն Սիմոնյանը նաեւ նշել է, որ ՀՀ-ն ունի ստանձնած պարտավորություններ եւ ամեն ինչ անում է՝ մեր գերիներին վերադարձնելու ուղղությամբ»: