Գուավան, կիվին և տանձն ամենահարուստ սննդային մանրաթելեր են պարունակում.

Մրգերի մեջ սննդային մանրաթելերի պարունակության ռեկորդակիրներն են գուավան, տանձը, կիվին, գրեյպֆրուտը, կեղևով խնձորը և ցիտրուսային մրգերը: Դրա մասին WelnessPulse-ին պատմել է բժշկական գիտությունների դոկտոր, սննդաբան Ալեքսանդրա Գինոսը (ԱՄՆ)։

Բժիշկը պարաբանել է, որ մանրաթելն ունի բազմաթիվ օգտակար հատկություններ՝ այս ածխաջուրը պահպանում է մարսողական համակարգի առողջությունը, ինչպես նաև կանոնավորում է արյան մեջ խոլեստերինի մակարդակն ու քաշը՝ կարգավորելով հագեցվածության զգացումը։ Օրական 2000 կալորիա պարունակող սննդակարգի դեպքում պետք է օգտագործել մոտ 28 գրամ մանրաթել, ասում է բժիշկ Գինոսը: Քանի որ օրական կալորիաների ընդունումը մեծանում է, սննդակարգում սննդային մանրաթելերի մասնաբաժինը ևս պետք է ավելանա:

Նշվում է, որ շատերը դժվարանում են անմիջապես «անցում կատարել» բուսական ծագման արտադրանքին։ Օրգանիզմը բջջանյութով արդյունավետ հագեցնելու համար սննդաբանը խորհուրդ է տալիս փոքր ծավալով օգտագործել սննդային մանրաթելերի առավելագույն քանակ պարունակող մթերքներ։

Մրգերի մեջ ռեկորդակիրը գուավան է՝ վարդագույն պտղամսվ այս էկզոտիկ մրգի մեկ չափաբաժինը կօգնի «ստանալ» 8,9 գրամ մանրաթել։ Մեկ բաժակ կտրատած տանձը պարունակում է 5,5 գրամ օգտակար դիետիկ մանրաթել, կիվին՝ 5,4 գրամ, գրեյպֆրուտը՝ 5,0 գրամ, միջին չափի կեղևով խնձորը՝ 4,8 գրամ, իսկ մանդարիններն ու նարինջները՝ 3,5 գրամ։

Սննդավանը միաժամանակ խորհուրդ տվեց չմոռանալ հատապտուղների մասին։ Մեկ բաժակ ազնվամորին պարունակում է մոտ ութ գրամ մանրաթել, մինչդեռ մոշի և հապալասի նմանատիպ չափաբաժինը փոքր-ինչ ավելի քիչ է (համապատասխանաբար 7,6 և 3,6 գրամ):