Գյումրիում պարեկները ևս միացել են կոմունալ աշխատակիցներին

Արտակարգ իրավիճակին արձագանքել է Գյումրու համայնքապետարանը, որի կոմունալ բաժնի ողջ անձնակազմն արդեն մի քանի ժամ է` աշխատում է արտակարգ ռեժիմով։ Նշենք, որ Շիրակի մարզի պարեկային ծառայության առաջին վաշտի պարեկները ևս միացել են կոմունալ աշխատակիցներին՝ աջակցելով ջրահեռացման, ճանապարհների մաքրման, երթևեկության վերահսկման և անվտանգության ապահովման աշխատանքներին։ Պարեկներն այս պահին կոմունալ բաժնի աշխատակիցների հետ հավասար աշխատանքներ են անում՝ աջակցելով քաղաքապետարանի աշխատակիցներին եւ ապահովելով քաղաքացիների անվտանգությունը ։

Տարերքի հետևանքները վերացնելու աշխատանքները շարունակվում են։ Ներկա պահին ջուրը դուրս է բերվում մի շարք տարածքներից, և տարվում է մաքրման ու վերականգնման գործողություններ։