Արմավիր-Մեծամոր ավտոճանապարհին բախվել է 3 մեքենա

Նոյեմբերի 26-ին, ժամը 21:18-ին «911» ծառայություն ահազանգ է ստացվել, որ Մեծամոր-Արմավիր ավտոճանապարհին տեղի է ունեցել ՃՏՊ, կա տուժած:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Արմավիր-Մեծամոր ավտոճանապարհի 6-րդ կմ-ին բախվել են «ԳԱԶ-2410» (վարորդ՝ Սեդրակ Ս.), «Opel Zafira» (վարորդ՝ Հովհաննես Է.) և «Hyundai» (վարորդ՝ Անդրանիկ Գ.) մակնիշների ավտոմեքենաները: Շտապօգնության աշխատակիցները Անդրանիկ Գ.-ին տեղում ցուցաբերել են համապատասխան բուժօգնություն:
Փրկարարները փակել են գազի բալոնների փականները և հոսանքազրկել ավտոմեքենաները: