Ամերիկացի սահմանապահները Մեքսիկայի հետ սահմանին կրակ են բացել 18 ռուս ապօրինի ներգաղթյալի տեղափոխող մեքենաների ուղղությամբ

Ռուսաստանից 18 ներգաղթյալ, այդ թվում՝ 10-14 տարեկան 7 երեխա 11 մեծահասակի ուղեկցությամբ, փորձել է ապօրինի ճանապարհով Մեքսիկայից ԱՄՆ հասնել, հայտնել է ԱՄՆ սահմանապահ ծառայությունը՝ մանրամասնելով, որ ԱՄՆ սահմանապահները կրակ են բացել՝ կանգնեցնելու երկու մեքենա, որոնցում 18 ներգաղթյալ փորձել է Մեքսիկայից մուտք գործել ԱՄՆ:

Միջադեպը տեղի է ունեցել դեկտեմբերի 12-ին Կալիֆոռնիա նահանգում՝ Մեքսիկայից Սան Իսիդրո մուտքի կետում։ Երկու մեքենա մեծ արագությամբ շարժվել են դեպի առաջնային զննության գոտի:

Բոլոր ներգաղթյալները ՌԴ քաղաքացիներ են: