Ադրբեջանական սանձարձակությունները, ագրեսիան ՀՀ ու Արցախի նկատմամբ աճի դինամիկա են դրսևորում. Աբրահամյան
ԱԺ «Պատիվ ունեմ» խմբակցության պատգամավոր Տիգրան Աբրահամյանը գրում է.
«Ադրբեջանցիները դեկտեմբերի 3-ին գերեվարել, բռնության ենթարկել, ապա սպանել են Արցախի խաղաղ բնակչին։
Ավելի վաղ այս մասին հաղորդագրություններ են տարածել Արցախի ՄԻՊ-ն ու ԱԱԾ-ն։
Սա հետևանքն էր նախորդ 2 ամսվա ընթացքում Մարտակերտի և Շուշիի ուղղությամբ ադրբեջանական խոշոր սադրանքների (2 խաղաղ բնակիչներ են սպանվել) նկատմամբ անտարբերության, ոչ պատշաճ հետևությունների և իրադրությունւց բխող քայլերի։
Ցավոք, ադրբեջանական սանձարձակությունները, կամայականությունները, սադրանքներն ու ագրեսիան Հայաստանի ու Արցախի նկատմամբ աճի դինամիկա են դրսևորում, իսկ համարժեք քայլեր բառի լայն իմաստով, չեն ձեռնարկվում»։